सुशांत गोमाजी माने यांचा जन्म 3 सप्टेंबर 1988 रोजी पुणे जिल्ह्यातील लोहगाव येथे झाला. त्यांचे वडील शिक्षक होते, त्यामुळे लहानपणापासूनच शिक्षण आणि सामाजिक कार्याची प्रेरणा त्यांना मिळाली. कॉलेज शिक्षण घेत असतानाच त्यांनी विविध सामाजिक उपक्रमांमध्ये सक्रिय सहभाग घेण्यास सुरुवात केली. शाळेत असताना वक्तृत्वाची आवड निर्माण झाली आणि लहान वयातच मोठ्या नेत्यांसमोर भाषण करण्याची संधी मिळाली. राष्ट्रवादी काँग्रेस पक्षाच्या कार्यप्रणालीने प्रभावित होऊन त्यांनी पक्षात सक्रिय सहभाग घेतला. लोहगाव परिसरातील जनतेच्या समस्या जाणून घेत त्यावर उपाययोजना करण्यासाठी ते सतत कार्यरत राहिले. शैक्षणिक, आरोग्य आणि सामाजिक क्षेत्रात वंचितांसाठी कार्य करणे हेच त्यांचे मुख्य ध्येय आहे.